İnternetin yaramaz uşaqları – “TROLL”LAR YAXUD “TROLL”LAYANLAR

İnternet və yüksək texnologiyalar sosial əlaqələrin, o cümlədən ünsiyyətin yeni forma və metodlarını yaradıb. Texnologiyanın gətirdiyi yenilikləri sürətlə mənimsəyir və gündəlik vərdişlərə çeviririk, amma ortaya çıxan problemlər, səbəb və nəticələr haqqında düşünmürük. Əslində bu, sadə istifadəçilərin işi də deyil.

Sosial şəbəkələrdən bəzən özümüzü təsdiq edə biləcəyimiz, bəzən də mənəvi-intellektual ehtiyaclarımızı doyura biləcəyimiz məkan kimi istifadə edirik. Kiməsə barmaq silkələyirik, şikayətlərimizi yazaraq emosiyalarımızı idarə edirik. Hərdən burada sanballı, maraqlı və savadlı görünmək istəyirik, hərdən məsləhət almaq üçün dostlara müraciət edirik, hərdən də sadəcə vaxt keçiririk. Amma ən çox da paylaşımlarımız vasitəsiylə gündə ən az bir dəfə hər kəslə danışmağa özümüzü borclu hiss edirik.

Facebookda həştaq funksiyası

Sosial şəbəkələrin ən böyükləri facebook və twitteri fərqləndirən xüsusiyyətlər çox olsa da, artıq onları birləşdirən bir işarə var. Bu, adı həştaq (hashtag) olan “#” işarəsidir.

Twitter istifadəçiləri bu işarəni yaxşı tanıyır. Bu işarə, informasiya axınını tənzimləmək, eyni mövzu ilə maraqlanan insanları bir yerə yığmaq funksiyasını həyata keçirir, müəyyən növzuya uyğun məlumatları qruplaşdımağa imkan yaradır. Kimin nə barədə twit etdiyini görmək, geniş tiraja malik olmaq üçün bu işarədən istifadə edilir.

Azercell Twitter-ə girişi pulsuz etdi

İndi Azercell abunəçiləri Twitter-dən pulsuz istifadə edə biləcəklər

Azercell Azərbaycanda ilk dəfə olaraq öz abunəçilərinə dünyanın ən populyar sosial şəbəkələrindən biri – Twitter-dən pulsuz istifadə imkanı yaradır. Yeni kampaniya 19 aprel – 19 oktyabr 2013-cü il tarixləri arasında Twitter şəbəkəsindən istifadə edən Azercell abunəçiləri üçün nəzərdə tutulub. Kampaniya dövründə heç bir şərt və ya qayda olmadan mobil telefon vasitəsilə Twitter-dən pulsuz  istifadə etmək mümkündür.

Kampaniyada istisnasız olaraq bütün Azercell abunəçiləri iştirak edə bilər. Qoşulmaq üçün sadəcə mobil telefondan mobile.twitter.com  ünvanına daxil olmaq kifayətdir. Azercell-lilər sosial şəbəkədə olduqları vaxt istədikləri qədər yazışacaq, tvit göndərəcək, xəbərləri izləyəcək, yeni dostlar tapacaq, şəxsi seçimlərə və maraq sahələrinə uyğun operativ məlumatlar əldə edə biləcəklər. Bir sözlə, Pulsuz Twitter kampaniyası şəbəkənin bütün funksiyalarından pulsuz yararlanmağa imkan verir.

Bir müddət əvvəl Azercell Telekom öz abunəçilərinə Facebook-dan pulsuz istifadə imkanı vermişdi. İndi isə Azercell hər kəsə Twitter vasitəsilə dostlarla daha sıx ünsiyyətdə olmaq şansını verir.

Mənbə: http://news.lent.az/news/122525